小野柳情歌

【客語:四縣腔】
龜仔戴在這
一群一群變做石
永久無停動

蜂仔飛來
留下蜂竇又飛走
舊竇變做岩
佢兜哪久正來尋?

綠島著等藍天,背等樹仔
浪花同石頭唱等熱天个曲
沙仔帶等故鄉人个憶
跈等海岸个腳步定定仔流連

晟眼日頭光
留下等路送分海鷗
一蕊金金个花,開在海中央

麼人帶來咧清風个味緒
淪在石壁細細个嘴鼓聲底背
一𥍉目
日頭光對魚仔个身邊洩走
存等船艙必縫肚个光
照等打漁人个心頭

月光華華
守顧暗夜,揇等烏忒个天頂
星仔眨等目珠
慢慢仔,慢慢仔
睡忒咧。

小野柳恬靜个夜
淨存裝淰情意个海面
一閃一閃
映出月娘个面頰卵

【華語語譯】
海龜住在這
一群一群變成石
永久不動了

蜜蜂飛來
留下蜂巢又飛走
舊窩變成岩
他們幾時才來尋?

綠島披著藍天,背著綠樹
浪花與石頭唱著盛夏的曲
細沙帶著故鄉人的憶
跟著海岸的腳步慢慢流連

刺眼的陽光
留下禮物送給海鷗
一蕊金黃的花,盛開在海中央

誰帶來了清風的味道
隱沒在石壁細碎的呢喃中
轉眼間
日光從魚的身旁溜走
剩下船艙縫隙裡的光
照著漁人的心頭

月色明媚
守護著暗夜,懷抱著漆黑的天
繁星眨著眼
慢慢的,慢慢的
睡著咧。

小野柳恬靜的夜
只剩下裝滿情意的海面
一閃一閃
照映出月娘的臉